Obras de calquera xénero e de calquera nacionalidade. Unha variada selección dos títulos que marcan tendencias a escala mundial, tanto na ficción como na animación ou o documental. Cineastas experimentados conviven con novas promesas: curtas que chegan avaladas por numerosos premios concedidos en festivais internacionais e novas obras que Curtocircuíto quere dar a coñecer.
Ler máis Ver menosDuración: 69m 02s
Moin Hussain
Manchester, 1990. Nun estado alterado, Alice vese obrigada a facer de aia para a súa veciña, cuxos fillos afirman alimentar a un visitante nocturno do inferno. Entre tensións do mundo da mafia, supersticións locais e abstinencia ás drogas, Alice terá que decidir entre abandonar os seus novos pupilos ou quedarse a pasar a noite.
Clément Cogitore
Unha das películas máis estrañas, hipnóticas e misteriosas da tempada. O director de Ni le ciel, ni la terre viaxa a unha das zonas máis perdidas de Siberia para amosarnos como se relacionan os dous únicos clans familiares que viven na rexión e que están enfrontados entre eles.
