Kikol Grau

Se hai un xénero que dominamos neste país, ese é o esperpento. Nesta “histeria” de España, Kikol Grau invoca a un importante equipo de guerrilleiros audiovisuais para soster un frenético e incisivo espello deformante: desde Manuel Bartual, Andrés Duque ou Alberto Gracia, entre outros. Radiografía da historia recente e Black Mirror cañí, cadáver exquisito que concentra o sangue, a suor e a caspa da pel de touro, e polo que desfilan desde o Fary a Rita Barberá.

“Esqueixada” audiovisual que, dando continuidade á súa predecesora "Histeria de España", pon patas arriba á Catalunya e á España do Procés. Con Kikol Grau como Conseller en Cap do filme, e as voces máis irreverentes do panorama patrio (Carlo Padial, María Cañas...) facendo trasnadas, aquí atopamos acontecementos recentes, imaxes históricas e histéricas que se mesturan nun cóctel que anticipa terribles resacas.