#OutraCompostela

PARADISE: SANTIAGO

A quen vai dirixida?

A actividade, fixada en cada edición do festival e que goza de carácter creativo e experimental, está dirixida ao alumnado da USC, en concreto da Facultade de Ciencias da Comunicación (Graos de Periodismo, Comunicación Audiovisual e dobre grao).

En que consiste?

O alumnado participante elaborará unha peza audiovisual que lle permita levar á práctica os coñecementos e habilidades adquiridos na facultade. Esta é unha experiencia na que se dá a oportunidade de asumir a experimentación e o risco.

A temática desta edición: a triloxía de Ulrich Seidl

Partindo da triloxía Paradise de Ulrich Seidl, director convidado a Curtocircuíto 2018, onde se reflexiona en torno a tres conceptos como son o amor, a fe e a esperanza. Inspirarémonos, en concreto, no tema da fe e o turismo, filmando estes conceptos a partires da realidade de Santiago de Compostela, retratando a cidade nun exercicio que poderá mesturar documental e  ficción.

Cómpre ter en conta a metodoloxía de traballo do realizador:

• O emprego de personaxes reais en entornos reais.
• O uso de guións abertos, nos que só hai a definición da escena e as persoas/actores improvisan os textos e a acción.
• Emprego de música únicamente diexética.
• O emprego dos tableaux nos que prevalece a frontalidade e a simetría na composición do cadro e a mirada á camara.

Condicións xerais de participación

• Previo á realización da peza audiovisual, os participantes deberán visionar un dos filmes de Ulrich Seidl: Paradise: Love ou Paradise: Faith.
• A participación farase por equipos, cun máximo de 5 equipos compostos por un mínimo de tres persoas e un máximo de cinco persoas cada.
• Todas as pezas audiovisuais deberán ser gravadas na cidade de Santiago de Compostela.
• A Facultade de Ciencias da Comunicación fará préstamo dos equipos precisos para a realización das pezas: i-Right - microfonía - pértiga - cable - edición/postprodución.
• Cada participante recibirá, só pola súa participación, un abono de proxeccións para a 15ª Edición de Curtocircuíto.
• Só os participantes que pertenzan á Facultade de Ciencias da Comunicación poderán obter 1 crédito ECTS pola súa participación en Outra Compostela.
• O alumnado que queira participar, deberá enviar os seguintes datos de cada un dos integrantes do seu grupo ao mail info@curtocircuito.org
  • Nome e apelidos
  • Teléfono
  • Mail
  • DNI
  • Curso e grao no que está matriculado

Requisitos para a inscrición

• O prazo para a inscrición remata o vindeiro luns 24 de setembro.
• A duración mínima das obras presentadas será de 3 minutos e, a máxima, de 5 minutos.
• Cada unha das pezas deberá enviarse a través de Wetransfer ou calquera outra plataforma de envío de datos e arquivos online.
• A data límite para o envío das pezas será o 4 de Outubro ás 23:59 horas.
• As especificacións técnicas para a entrega das pezas serán as seguintes:  
  • Arquivo dixital .mov ou .mp4
  • Resolución FULL HD 1920 × 1080 ou HD 1280 × 720
  • Códec H264
  • Bitrate dende 8000 a 40000 kbits
  • Audio AAC stereo a 384 kbps
  • O arquivo non poderá superar os 2 Gb de peso
  • O festival Curtocircuíto e a Concellaría de Igualdade, Desenvolvemento Económico e Turismo, resérvanse o dereito a reproducir total ou parcialmente as pezas presentadas a concurso e os autores das obras aceptan, coa súa inscrición, as bases presentes.
• Así mesmo, o festival Curtocircuíto resérvase o dereito a publicar, na páxina exclusiva de Tumblr Outra Compostela, as pezas participantes desta edición.

Premios

• O equipo gañador será anunciado na gala de Clausura da 15ª edición de Curtocircuíto, que terá lugar o 7 de Outubro ás 20:30 no Teatro Principal. A asistencia á gala será de balde, previa retirada da entrada no despacho de billetes do Teatro Principal.
• O grupo que resulte gañador do concurso, recibirá un curso de formación para cada un dos integrantes do equipo de traballo na Escola Unitaria.

Para máis información: info@curtocircuito.org